Yeh Haseen ShaaM Apni,
Abhi JisMe Ghul Rahi Hai,
Tere Parahan Ke Khushbu
Abhi JisMe Khil Arhe Hai,
Mere Khwab Ke Shagoofey,
Zara Der Ka Hai Manzar
Zara Der Me UfaQ Par
Khilega Koi Sitara,
Teri SiMt Dekh Kar Wo
Karega Koi Ishara
Tere Dilko Aayega Phir
Kisi Yaad Ka Bulawa,
Koi Qissa-E-Judayi, Koi Kaar-E-NaaMukaMMal,
Koi Khwaab-E-Naashagufta, Koi Baat Kehne Wali,
HaMein Chahiye Tha Milna
Kisi Ahd-E-Meherbaan Mein,
Kisi Khwab Ke Yakeen Mein,
Kisi Aur AasMan Par
Kisi Aur SarzaMeen Mein,
HaMein Chahiye Tha Milna…

Zindgi Log jisy Marham-e-ghum janty hen.
Jis Tarha Hum nen guzari he hum janty hen.

Dard Kuch or ata kar k tere Dard Nawaz.
Ye Sakhawat tere Mayar se kam janty hen

Sar Barhana chaly aye hen k pathar barsen.
Hum tere Shehar ka Ain-e-Karam janty hen.

Shiddat-e-Ghum ka ye Alam he Shab-e-Hijr k hum
Har sitary ko tera Deeda-e-Nam janty hen

Hum k Khulty thy Kabhi Zabat-e-Janoon ki Rut men.
Harf-e-Sheerin ko bhi ab Katra-e-Sam janty hen...

Shehar Ka Shehar Agar Aaye Bhii Samjhaney Ko
Is Se Kya Farq Pray Ga Teray Dewaney Ko

Jis Qadar Weham Hain Sab Us Ke Atta Karda Hain
Liye Phirta Hon Kisi Aur Ke Butt-Khaney Ko

Yeh Hunar Wo Hai Jo Dil Se Kabhi Seekha Na Gaya
Tu Ne To Jorr Liya Torr Ke Paimaney Ko

Kya Koii Khail Hai Be-Naam O Nishan Ho Jana
Waisey Shama Bhii Tyaar Hai Jal Janey Ko

Wo Ajab Shakhs Tha Kal Jis Se Mulaqaat Hoii
Main Milla Hon Kisi Jaaney Hoye Anjany Ko

Aaj Ke Dukh Bhi Kisi Se Nahi Jhailay Jatey
Yaad Mat Kar Kisi Bhooley Hoye Afsaanay Ko

Door Tak Raat Kii Aankhon Mein Kahen Neend Nahien
Itna Sanata Hai Ke Aaye Koii Tarpanay Ko

Zindgii Bhar Mein Koii Shaey To Mukamil Kar Lien
Aao Labraiz Karien Sabr Ke Paimanay Ko

Yeh Alag Baat Ke Eik Boond Muqadar Mein Na Thi
Sar Pe So Baar Ghata Chaaii Rahii Chaaney Ko

Shaam Honey Ko Hai Jalnay Ko Hai Sham E Mehfil
Saans Lainey Ko Bhi Fursat Nahien Parwaney Ko...

kyaa sarokaar ab kisii se mujhe
vastaa thaa to thaa tujhii se mujhe...

behisii kaa bhii ab nahii.n ehasaas
kyaa huaa terii beruKhii se mujhe...

maut kii aarazuu bhii kar dekhuu.N
kyaa ummiide.n thii zindagii se mujhe...

phir kisii par na aitabaar aaye
yuu.N utaaro na apane jii se mujhe...

tera Gam bhii na ho to kyaa jiinaa
kuchh tasallii hai dard hii se mujhe...

kar gaye kis qadar tabaah ’BUTT’
dushman, andaaz-e-dostii se mujhe...

bujhi hui sha'ma ka dhuaan hun, aur apne markaz ko ja raha hun
k dil ki hasrat to mit chuki hai, ab apni hasti mita raha hun

ye teri hi soorat k dekhne ko, butoon ki tasweerain la raha hun
k khoobian sab ki jama kr k, tera tasawur jama raha hun

kafan mai khud ko chupa lia hai, k tujh ko parday ki ho na zehmat
naqab apne liye bana kr, hijab tera utha raha hun

mohabbat insaan ki hai fitrat, kahan hai imkan-e-tark-e-ulfat
wo aur bhi yaad aa rahe hain, mai un ko jitna bhula raha hun...

khwahish hay k iss toor se jeewan ko guzaroon
har aks tere husn ka ankhun main utaroon...

woh tishna labi hay k samjh kuch nahi ata
dariya ko sada doon k samander ko pukaroon...

jeewan bhi tu uljhi hoi doroon ki terha hay
iss soch main gum hon k isey kaise guzaroon...?

ab iss k siwa mera koi khwaab nahi hay
her saans ko khushnoodi e janaa pe main waroon...

dostii jab kisii se kii jaaye
dushmano.n kii bhii raaye lii jaaye...

maut kaa zehar hai fizaao.n me.n
ab kahaa.N jaa ke saa.Ns lii jaaye...

bas isii soch me.n huu.N Duubaa huaa
ye nadii kaise paar kii jaaye...

merey maazii ke zaKhm bharaney lagey
aaj phir ko_ii bhuul kii jaaye...

botale.n khol ke to pii baraso.n
aaj dil khol ke bhii pii jaaye....

kisii ne jo dil kii kahaanii sunaa_ii
tumhaarii muhabbat bahut yaad aa_ii

chaman me.n jo ko_ii kalii muskaa_ii
tumhaarii muhabbat bahut yaad aa_ii

kahii.n ko_ii Khushbu kaa jho.Nkaa jo aayaa
to aisaa lagaa jaise tum aa gaye ho
har aahaT tumhaaraa hii paiGaam laaye
tumhaarii muhabbat bahut yaad aa_ii

meraa ek pal aaj kal ek sadii hai
kahaa.N vo mausam suhaane suhaane
kahaa.N pyaarii pyaarii tumhaarii vo baate.n
merii jaan lene lagii hai judaa_ii

bataao kahaa.N aake tum ko pukaare.n
nazar har taraf bas tumhe.n Dhuu.NDhatii hai

chale aao viiraan raahe.n sajaa do
merii har tamannaa javaa.N ho rahii hai
milo tum to mil jaaye saarii Khudaa_ii
tumharii muhabbat bahut yaad aa_ii...

khaab sath rehne k nit-naye dikhata hai
ye jo asl mausam hai ye guzarta jata hai

khudko sabz hi rakkha aansuo'n ki baarish mai
warna hijr ka mausam kisko raas aata hai

toofa'n hai hawa ka tu, tujhko kya bhala maloom
gard e badd ghumani se dill bhi tut jaata hai

aik tum hi thai warna aadmi mohabbat mai
laakh aayain deewarain raasta banata hai

hamm to khair nada'n thai muntazir rahe warna
koi apni beenaii iss tarah ganwata hai

zakhm saarey aankho'n k khwab bunn ne lagte hain
jab hawa k honto'n pe tera naam aata hai

senkrho'n dukane hain wasl k charago'n ki
kaun hijr mai apna abb lahoo jalata hai...

Dard Ko Ashq Banane Ki Zarorat Kya Thi
Tha Jo is Dil Main Dikhane Ki Zarurat Kya Thi

Hum Ne Jo Kuch B Kiya Apni Mohabbat Main Kiya
Baat beech la k Zamane Ki, Zarorat Kya Thi

Chahatain khud hi tapak parhti hain in Aankho Se
Raaz ye sabko Batane Ki Zarorat Kya Thi

Itna Hassas Hoo'n Sansoo Se Pighal Jata Hoo'n
Bijliya,n mujh Pe Girane Ki Zarorat Kya Thi

ham to pahlay be tere haq me'n tahi dast huey
Aisy ghayal pe nishanay ki zarorat kya thi

Aise Lagta Hai K Kamzor Bohat Hai Tu Bhi
Jeet Kar Jashan Manane Ki Zarorat Kya Thi

Saad aankho'n se hai shikwa na hi dil se koi
Naqsh pani pe bananay ki zarorat kya thi...

pathar sulag rahe the koi naqsh-e-paaa na thaa
ham us taraf chale the jidhar raastaa na thaa

parchhaaiyon ke shahar kii tanhaaiiyaaN na puuchh
apanaa shariik-e-Gam koii apane sivaa na thaa

yuuN dekhatii hai gum_shudaa lamhon ke mor se
is zindagii se jaise koii vaastaa na thaa

cheharon pe jam gaii thiin Khayaalon kii ulajhanen
lafzon kii justajuu mein koii boltaa na thaa

Khurshiid kyaa ubhaarate dil kii tahon se ham
is anjuman mein koii sahar_aashanaa na thaa...

Ab zid pe aa gaye ho to ye kaam bhi kero
Khud ko humaray naam say badNaam bhi kero

Ye kaya k in ruton mein bhi qaid_e_ana ki zid
Barpa bahaar mein koi kohraam bhi kero

Aashiq ho ger to sabar k zindaan ko torr do
Ahl_e_jahan ki saazishen naKaam bhi kero

Tark_e_tal'luq ka maatam bohat hua
Tum thak gaye ho aao kuch aaram bhi kero... .

Sang dil hay woh tou kyoun is ka gila main ne kia
Jab k khud pather ko butt..butt ko khuda main ne kia

Kaise na'manoos lafzon ki kahani tha woh shakhs
Us ko kitni mushkilon se terjuma main ne kia

Woh meri pehli muhabbat woh meri pehli shikast
Phir tou paimaan e wafa so mertaba main ne kia

Hon saza'waar e saza kyoun jab muqadder mein mere
Ju bhi us jaan e jahaan ne likh dia main ne kia

Woh thaherta kya k guzra tak nahin jis k liye
gher tou gher her raasta aa'raasta main ne kia

Mujh pe apna jurm Sabit ho na ho lekin Faraz
Loog kehte hain k us ko bewafa main ne kia...

Mansoob Thay Jo log Mere Zindagi K Sath,
Aksar Wohi Milay Hain Bari Be Rukhi K Sath,

Yun Toh Main Hans Para Hun Tumary Liye Magar,
Kitnay Sitaray Toot Paray Aik Hansi K Sath,

Fursat Milay Toh Apna Gareeban Bhi Dekh Le,
Ay Dost Yun Na Khel Mere BeBasi K Sath,

Chehry Badal Badal K Mujhe Mil Rahy Hain Log,
Itna Bura Salook Meri Saadgi K Sath,

"Mohsin" Karm Ki Lay Ho Jis Mein Khuloos Bhi,
Mujhko Ghazab Ka Pyaar Hai Us Dushmani K Sath.....!!!!!

kia ye b zindagi he k rahat kabhi na ho..

kyaa ye bhii zindagii hai ki raahat kabhii na ho
aisii bhii to kisii se mohabbat kabhii na ho

vaadaa zaruur karate hai.n aate nahii.n kabhii
phir ye bhii chaahate hai.n shikaayat kabhii na ho

shaam-e-visaal bhii ye taGaaful ye beruKhii
terii razaa hai mujhako masarrat kabhii na ho


ahabaab ne diye hai.n mujhe kis tarah fareb
mujhasaa bhii ko_ii saadaa tabiiyat kabhii na ho

lab to ye kah rahe hai.n ke uTh, ba.Dh ke chuum le
aa.Nkho.n kaa ye ishaaraa ke jurr'at kabhii na hO

dil chaahataa hai phir vahii fursat ke raat din
mujhako to tere Khayaal se fursat kabhii na ho

Malom he sab kuch magar anjan rehta he...

Malum hy sab kch mgr anjan rehta hy,
Wo mere ansu'on ko bhi pehchan leta hy,

Mn pareshan hn kahin wo faisle na kr ly,
Wo mere dil ki dharkan ko bhi jan leta hy,

Har pal khafa khafa sa rehta hy mjhse,
0r meri hr baat bhi maan leta hy,

Smjha hy k badle dale ga takderen sab ki,
Magr khud apni kismat se anjan rehta hy,

Us ne mjhe pyar kia wo janta bhi nahi,
Jo meri khushiyun k liye har dam pareshan rehta hy...!